Bangladesh PM hlui damdawi-inah dah

Bangladesh Prime Minister hlui Khaleda Zia-i chu a dam loh avangin jail aṭangin damdawi-inah dah luh a ni. 

Kum 73 mi, Khaleda Zia-i hi prime minister a nih lai, kum 1991-1996 chhungin fahran enkawlna tur sum tichingpena puhna thubuaiah thiam loh chantirin kum nga tang turin hrem a ni a,  nikum February thla aṭang khan Dhaka Central Jail-ah dah a ni. High Court chuan a hremna hi kum 10-ah a pawhsei sak leh bawk. 

Zia-i hian zunthlum leh arthritis natna a nei a, nikum October thla pawh khan damdawi-inah enkawl a lo ni tawh a ni. A ukil, Masud Ahmed Talukder chuan tanin chhungah hian a hriselna dinhmun a tlahniam zel niin a sawi a, hei vang hian damdawi-in lamah enkawl tura dah a ni ta tih sawiin, jail aṭang hian Bangabandhu Sheikh Mujib Medical University-ah police venhimna khauh tak hnuaah sawn a ni tih a sawi. Hemirual hian ngaihtuahawm lutuk chu a ni lo niin a sawi.