Mexico-a Maria Islands-a tan-in khar dawn

Mexico sorkar chuan Maria Islands-a tan-in a siam chu khar a tum a, mahse he tan-ina tang tam tak chuan an tanna hmun hi chhuahsan an duh lo tih an sawi.

February thla khan Mexico President thar Andred Manuel Lopez Obrador chuan Maria Island chu thliarkar mawi tak, ramsa leh thingkung chi hrang hrang awmna hmun a ni tih sawiin, he thliarkar hi inhremna leh innghaisakna hmun tia anga hriat hlawh tur a ni lo tiin tanin chu khar a tum thu a sawi a ni.

Maria Islands-a jail hi kum 1905-a siam niin, he jail hi hi Mexican writer leh political activist hming chawiin Jose Revueltas cultural centre-ah leh a ni dawn a ni. He jail-ah hian siam a nih aṭangin mi 64,000 zet an lo tang tawh a, thla hmasa pawh khan mitang 584 chu mainland lamah thawn an ni.

He tan-ina tangte hi an zalen a, tan-in chhung pindanah te pawh 'bar' vuah a ni lo a, hun tiam pek chinah zalen takin an teikual thei a, basketball leh football-te an khelh theih bakah TV-te en in, workshop-ahte pawh an kal thei niin security chief Gregerio Lopez chuan a sawi. Tan-in aṭanga tlanchhuah tum hi an awm khat hle a, an tlanchhuah pawhin thliarkar chu an chhuahsan theih loh avangin ei turte an inzawnchawp a ngai a, an man leh thuai ṭhin niin a sawi. Thliarkar aṭanga mainland pan tur chuan lawngchawlhna hnai ber, Mazatland chu darkar 7-12 chhung vel lawngin an kal a ngai a ni.