Putin hmu turin Israel Prime Minister zin

Israel Prime Minister Benjamin Netanyahu chuan Russia President Vladimir Putin hmu turin nimin khan Jerusalem aṭangin Moscow a pan.

Moscow pana a chhuah hmaa chanchinthar lakhawmtute a kawmnaah, Netanyahu chuan Russia ram hruaitu hi Syria ramchhung dinhmun leh tualchhung indona thleng mek tihtawp a nih theihna tura Russia nena an thawhdunna chungchangte a sawpui dawn tih a sawi.

Israel leh Russia hian Syria rama an sipaite intawng thei venna atan an chetvel dan turah pawh ruahmanna an siam dun a ni. Russia sipaite hian Syria President Bashar al-Assad-a sipaite an pui a, hetihlai hian Israel air force-te chuan Israel beih tum nia sawi firfiakte hmun an bei ve thung a ni.

Putin leh Netanayhu-te hi kumin February 27 khan Moscow-ah an lo inhmu tawh bawk a, hei bakah hian telephone pawhin an inbe zui fo bawk.