Turkey-in Russia S-400 lei tum ṭhulh dawn lo

Turkey chuan Russia hnen aṭanga S-400 missile defence system lei a tum chu US in sawiselin kaltlangpui lo turin nawr mah se a ṭhulh dawn lo tih a sawi.

Turkey Foreign Minister Mevlut Cavusoglu chuan S-400 leina tura inremna an lo siam tawh chu a sut dawn lo tih sawiin, "Inremna hi siam fel vek a ni tawh a, kan ṭhulh dawn lo", a ti. Khawthlang ram emaw, Russia emaw pawh ni se eng ram mahin duhthlang turin an nawr thei lo tih a sawi a ni.

Russia S-400 defence system lei a tum vangin US chuan Turkey hnenah F-35 fighter jet hmanrua a thawn turte chu a titawp phah a ni.

Kum 2017 December thla khan S-400 surface-to-air missile system leina turin Turkey leh Russia hian in­rem­­na an ziak a, kumin kumtawp lamah a batch hmasa ber chu pek hman beisei a ni. Hei hi US chuan a duh lo hle a, ṭhulh tur pawhin a nawr fo a ni. Mahse Turkey chuan S-400 chu US aṭanga a lei tum, F-35 fighter jet leh NATO sys­tem dang tan pawh a hlauh­awm lo niin a sawi. Turkey hian US aṭang­in F-35 fighter jet hi 100 lei a tum mek a, an pilot-te pawh US-a Ari­zona-a Luke Air Force Base-ah a training tir a ni.