Christchurch moque beitu mental health test neihtir dawn

New Zealand-a Christchurch khuaa mosque pahnih bei a, mi 50 kaphlumtua puh Australian Brenton Tarrant chu mental health test nei tura tih a ni.

Breton Tarrant hi a tanna, Auckland Prison aṭangin Christchurch High Court-ah video link hmangin a inlan a ni. Court-ah a inlan hma ni hian New Zealand police-te chuan tualthah thubuai 50 leh tualthah tuma puhna thubuai 39 an siam sak. Heng a thubuaiahte hian thiam loh chantir a nih chuan chhuah lailawk pawh phalsak loin damchhungin lung-in tantir a ni ang.

High Court judget Cameron Mander chuan nimin khan Tarrant hian a thubuai neih mekte hmachhawn turin a fit tawk em tih enfiah tura mental health test neihtir turin a ti. June 14-ah court-a inlan leh turin a ti a ni.

Tarrant hi New Zealand-a tan-in khuahkhirhna khauhna ber nia sawi, Premoremo-a Auckland Prison-ah a tang mek a ni.