Hel pawlin sipaite vau

Myanmar rama hel pawl pathum, Ta'ang National Liberation Army, Myanmar Nationalities Democratic Alliance Army leh Arakan Army (AA) chuan sipaite vauna thuchhuah inṭawm an siam.

Thuchhuah inṭawm an siamah, hel pawl pathumte chuan sipaite chu nawrh huaihawtte laka rawng taka che a, thisen an chhuahsakte titawp turin an vau bakah, an titawp loa nih chuan nawrh huaihawtnaah hian tel vein sipaite chu an beih let ve dawn tih an sawi a ni.

Hel pawlten thuchhuah an siam hma hian, nawrh huaihawttu pawl zinga pakhat, General Strike Committee of Nationalities (GSCN) chuan sipai duh lohna lantirna an neih mekah nawrh huaihawtte pui turin an rama chi bing hel pawl hrang hrangte chu an lo sawm tawh a ni.