Myanmar mipui maktaduai 54 tling

Myanmar Ministry of Labour, Immigration and Population hnuaia Department of Population chuan Inrinni zan khan thuchhuah siamin, an ram mipui zat chu April 1 khan maktaduai 54.1 an tling tih sawiin, kum 2017 April 1 aṭanga an punna hi 1.32% a tling a ni.

Department of Popu-lation hian 2014 chhiarpui behchhanin an ram mipui zat hi an chhut a ni. Department hian sorkar, department leh organization-ten policy leh plan an siamna tur atan kumtinin ram mipui zata a chhut hi a tichhuak ṭhin.

Myanmar ram mipui zat tihchhuahah hian mipa 25,948,889 leh hmeichhia 28,152,364 an ni. Bial hrang hrang zingah Yangon bial chu mihring tamna ber niin mi maktaduai 8.203 an awm a, Mandalay bialin dawtin mi maktaduai 6.477 an awm. Shan state-ah maktaduai 6.33 leh Ayeyawaddy bialah maktaduai 6.27 an awm bawk.