Trump-an US-Mexico border a tlawh

US President Donald Trump chuan kar kalta Zirtawpni khan an ram chhim lama US leh Mexico inri-na hmun tlawhin, ramri hungna bang siam thar ṭhenkhat chu a enpui.

Donald Trump hi law enforcement leh immigration official-ten an zui a ni. "He bang hi lawn liam ṭalh in tum anih chuan in thu a ni. In lawn liam thei a nih chuan in dawn tur ang lo pek cheu chu in phu a, mahse thil harsa tak tur a ni. Bang hi lawn liam mai theih loh tur a duan a ni a, hemi rual hian ramri lehlama awmte pawh hmuh theih vek tura siam a nih avangin a ṭha hle a ni", a ti.

Border security chungchangah meeting pawh nei zui nghalin, President chuan immi-gration system chu a 'full' tawh a ni tiin, US-a a ruka luh tum emaw, inhumhimna dila luh tum emaw tan pawh a 'full' tawh tih a sawi. "Tumah kan lak belh thei tawh lo ni a, kan ram hi a khat tawk tawh a ni. A pawi ka ti hle mai, chuvangin lo luh tumte pawh in kir leh mai a ngai dawn a ni" tiin a sawi.

President chuan US leh Mexico ramri, mel 400 dawna thui hungna bang siam hna chu kum hnih chhunga zawh fel a nih tur thu a sawi bawk.