World Bank President atan David Malpass thlang

World Bank executive board chuan kar kalta Zirtawpni khan lungrual takin World Bank President 13-na atan US Under Secretary of Treasury for International Affairs David Malpass an thlang.

Kum 69 mi, David Malpass hi bank president 13-na tur a ni a, April 9-ah a hna thar hi zawmin kum nga term tur a ni.

World Bank President hi International Bank for Reconstruction and Development (IBRD) leh International Development Association (IDA) Boards of Directors-ah Chairman a ni nghal a ni. Hei bakah hian International Finance Corporation (IFC), Multilateral Investment Guarantee Agency (MIGA), leh Administrative Council of the International Centre for Settlement of Investment Disputes (ICSID) a Boards of Directors-ah ex-officio Chair a ni nghal bawk.