Maldives inthlanah rorellai party-in hnehna chang

Maldives Parliament inthlanpui, Inrinni-ah neih takah rorellai, Maldivian Democratic Party (MDP) chu hneh taka thlan tlin a ni.

Inthlan result hi official-a puan la ni lo mah se, Inrinni zana result tihchhuahah Palriament seat 87 awmah MDP hian seat 62 a la a ni. MDP hian khawpui lian leh mihring tamna bial pathuma seat an la vek a, hei bakah hian a hmaa eptu pawl Progressive Party of Maldives bial him ṭhin pawh an chhuhsak thei bawk.

Kum 2009 leh 2014 inthlanpuiah khan MDP hian seat 26 aia tam a la la ngai lo. Tun ṭum hi kum 2008-a ram danpui thar an siam hnuah Maldives ram inthlanpuia party malin Parliament-ah majority a neih theihna hmasa ber a ni.