Pakistan-in India-in an ram beih a tum niin a sawi

Pakistan Foreign Minister Shah Mahmood Qureshi chuan tun thla chhung hian India chuan an ram beih a tum niin a sawi.

UN Security Council-a permanent member panga-te hnenah Qureshi chuan thu an dawn danin April 16-20 chhung vel hian India chuan a sipaite hmanga an ram beih leh a tum niin a hrilh. Minister chuan an thu dawnna hi a sawilang duh lo a, hemi rual hian hemi chungchang hi an ram mipuite hnena hriattir chu Prime Minister Imran Khan pawhin a remti niin a sawi bawk.

February thlaa Pakistan firfiak pawl, Jaish-e-Mohammad (JeM) mi leh sa nia hriatin India rama Pulwama-a CRPF convoy a beih vanga sipai 40 zet an thih hnuah India leh Pakistan inkar boruak hi a chhe zual hle. Pulwama beih a nih aṭang kar hnih hnuah India chuan Pakistan ram chhunga JeM training camp chu a bei zui a ni.