Nepal-in Everest tlang san zawng teh ṭha dawn

Nepal sorkar chuan khawvela tlang sang ber, Mount Everest tlang san zawng teh ṭha turin surveyor pali awmna team a din.

Everest tlang san zawng hi a tlahniam nia sawi a awm fo avangin Nepal sorkar chuan a teh ṭhat tir dawn a ni.

Kum 1954-a Indian survey record-a Everest tlang san zawng, meter 8,848 (feet 29,029) chu official-a pawm dan a ni. A hnuah team hrang hrangin a san lam hi teh nawn leh fo mah se, kum 1954-a record hi rin zui a ni.

Mahse kum 2015-a Nepal rama lirnghing na tak thleng khan Everest tlang hi nghawngin, a san zawng pawh a khawih danglam nia sawi a ni. Hei vang hian kum 2017 khan Nepal Survey Department chuan he tlang sang zawng chungchanga inhnialna chhuak fo tihreh a nih theihna a san zawng ṭeh ṭhat tum hian ruahmanna a siam ta a ni.