Pakistan President leh Defence Minister-in Covid-19 hri kai

Pakistan prime minister Imran Khan-a'n Covid-19 a kai hnuah president Dr Arif alvi leh defence minister Pervez Khattak-te pawh he hri an kai tih puan a ni ve leh.

Kar liam ta khan PM Khan chuan Covid-19 hri a kai tih hriat a ni a, Thawhṭanni khan President Alvi chuan he hri hi a kai tih a twitter-ah a puang ve leh a, defence minister Khattak pawhin hri hi a kai tih puan a ni a, mahse a kai tih hriatchhuah a nih hun erawh tarlan a ni lo.

Pakistan hian hripui leng thawh thumna a thleng mek a, sorkar chuan April 5 aṭangin pun khawm khap a tum a ni. Hri kai an pun chak chhoh hle laiin, Covid vaccine supply erawh a chak lo hle thung.