Dalai Lama damdawi-inah dah

Tibetan sakhaw hotu, Dalai Lama chu nimin khan a awm na avangin New Delhi damdawi-inah dah a ni a, mahse a ngaihtuahawm lutuk lo nia sawi a ni.

Kum 83 mi, Dalai Lama hi kum 60 kalta khan China-in Tibet a awpbeh duh lohna lantirnaa a hlawhchham hnuin India ramah a tlanchhia a, a khawsa zui a ni.

China hian kum 1950 khan Tibet hi awpin, Dalai Lama hi China laka Tibet inlakhran tumna kawnga mipute fuihtu mi hlauhawm takah a ngai a ni. Mahse Dalai Lama hian China laka inlakhran an tum lo a, Tibet tana thuneihna sang zawk pek an phut mai niin a sawi. Thusawi thiam tak niin hmun hrang hrangah thu pawh a sawi nasa hle a, mahse a kum upat leh hriselna ṭhat tawk loh avangin kum eng emaw chen chu a inlan khat tawh hle.