EU-in October thleng Brexit tihkhawtlai remti

European Union (EU) hruaitute chuan EU aṭanga United Kingdom (UK) inlakchhuah tur, Brexit chu October 31 thleng pawhsei sak an remti.

EU hruaitute hian UK Prime Minister Theresa May-in Brexit tihkhawtlai sak tura a ngenna chu Brussels ah ngaihtuahin, darkar nga zet an sawiho hnuah thla ruk dang pawhsei sak hi an remti ta a ni. October 31-ah chuan UK MP-ten inlakchhuah tur chungchanga inremna an siamte pawm thei lo mah se EU an chhuahsan tho a ngai tawh

dawn a ni.

UK Parliament hian PM May-i leh EU hruaituten inlakchhuahna tura inremna an siam, Withdrawal Agreement chu ṭum thum zet an hnawlsak a, inremna siam loa EU chhuahsan rawtna pawh an hnawl leh bawk avangin May-i hian inremna siam tawh hi siamṭhat a, ngaihtuah leh a nih theihna turin hun pawhsei a dil a ni.