New Zealand-in gun law siamṭhatna pass

New Zealand Parliament chuan silai khuahkhirhna khauh zawk siamna, gun law siamṭhat chu a pass. He dan siamṭhat hnuaiah hian semi-automatic leh military-style weapon lam chu khap an ni.

Christchurch khuaa mosque pahnih beih vanga mi 50 zet kahhlum an nih hnuah, New Zealand Prime Minister Jacinda Ardern chuan gun law siamṭhat a tiam nghal a ni. Hei hi Parliament-ah ngaihtuah a nih hnuin pass a ni ta a ni.

Parliament-ah gun law siam ṭhatna, The Arms (Prohibited Firearms, Magazine and parts) Amendment Bill chungchanga vote lakah hian member 120 zinga pakhat chauhin a thlawp lo lamah vote a thlak. Bill hi Parliament-ah pass a nih hnu hian dan-a chantir turin governor-general chuan pawmpuina, Royal Assent a pek ve leh phawt a ngai dawn a, vawiin hian a pek hman rin a ni a, official-in law ah chantir hman beisei a ni.

Semi-automatic leh military-style weapon te khap a nih dawn tak avangin hetiang ralthuam lo kawlte chu thuneitute hnenah thehlut a, compensation pek an ni dawn a ni. Hemi atan hian sorkar chuan buy-back scheme pawh a siam tawh bawk.