Pakistan-a bomb puakah mi 14 thi

Pakistan-a Quetta khuaah nimin zing khan bomb a puak a, mi 14 an thi a, midang eng emaw zatin hliam an tuar.

Bomb hi khawpui chhunga thlai zawrhna bazar-ah tihpuah a ni a, bomb puak hian bazar bul vela building ṭhenkhat a tichhe tel bawk. Bomb puak vanga hliam tuar ṭhenkhat chu an dinhmun a ṭha lo hle a, hei vang hian thi zat pawh hi an la punbelh rin a nih thu security force-te chuan an sawi.

Nimina pawikhawihna thleng hi eng pawl mahin an tih niin an la chhal lo.