Pakistan-in Pulwama chungchangah zawhna zawh belh

Pakistan chuan India hnenah Pulwama-a CRPF convoy beih a nih ṭuma Jaish-e-Mohammad firfiak pawl inrawlh nia puh chungchangah zawhna zawh belhin, India-in document a pekah chuan JeM chungah action la tura finfiahna ṭha tawk a tel lo tih a sawi.

Foreign Office thupuangtu Mohammad Faisal chuan zawhna an zawh hmasak zawk pawh India chuan a la chhang lo tih a sawi a, zawhna dangte hi Indian High Commissioner hnenah an pek leh thu a sawi bawk.

February 14-a CRPF convoy beihnaa sipai 40 an thih chungchangah JeM inrawlh dan finfiahna ṭha tawk a pek loh bakah, India chuan tun thla chhung hian Pakistan beih a tum nia thu rinawm tak an dawn thu Faisal chuan a sawi. Beih an nih chuan Pakistan chuan a chhang let ngei dawn a ni, a ti.