WikiLeaks co-founder Assange man

WikiLeaks co-founder Julian Assange chu Ningani khan Britain police-ten London-a kum sarih chhung zet tawmhimna atana a lo hman tawh, Ecuador embassy aṭangin an man.

Kum 47 mi, Australia mi Assange hi a bail term bawhchhiaa puh a nih vangin man a ni a, London court chuan thiam loh a chantir nghal a, kum khat tang turin a hrem.

Ningani zing khan Ecuador chuan Assange hnena inhumhimna a pek chu a titawp thut a, hei vang hian hemi ni vek hian police-te chuan embassy aṭang hian an hruaichhuak nghal a ni. Assange hi a chak loin a hrisel loh hmel hle.

Sweden chuan Assange hi mipat hmeichhiat lam hawia mawi lo taka chea puhin thubuai a siamsak a, mahse Sweden-a thawn a nih loh nan hian kum 2012 khan Ecuador embassy-ah hian humhimna zawngin a lut a, a awm zui ta a ni. UK chuan US-in WikiLeaks-a US document pawimawh tam tham tak a tihchhuah avanga thubuai a siamte hmachhawn turin US-a thawn a nih dawn leh dawn loh pawh an ngaituah nghal dawn a ni. US-a a thubuaiah hian thiam loh chantir a nih chuan kum nga thleng lung-in tantir theih a ni ang.