Taiwan-a rel chesualah mi 41 thi

Taiwan khawchhak lama tunnel-ah mi 500 vel phurtu rel chu nimin zing khan a chesual, mi 41 vel an thi nia hriat a ni a, hliam tuar tam tak an awm bawk.

He rel hi Taipei aṭanga Taitung pan a ni a, annual holiday hmang tura kalte a phur a ni. Pindan pariat awmin, tunnela-a a tlan laiin construction vehicle a su a, a chesual zui ta a ni.

Rel chetsual hun hi an ram huna zing dar 9 vel a ni a, Taiwan preisdent Tsai Ing-wen chuan thuchhuah siam nghalin, chetsualna hmuna tangte chhanchhuah chu an ngaih pawimawh hmasak ber tur a ni thu a sawi. Thi zingah hian rel khalhtu pawh tel a ni.

Nimina tunnel-a rel chesual hi Taiwan rama kum tam tak chhunga rel chetsualna thleng rapthlak ber nia sawi a ni bawk.