Palestinian sorkar thar lalut

Palestinian President Mahmoud Abbas chuan Prime Minister Mohammed Shatayyeh kaihhruai sorkar thar chu Inrinni khan Ramallah-ah a lalut.

Kumin January thlaa Palestinian PM aṭanga Rami Hamdallah a ban hnuah March 10 khan Shtayyed chu amah thlaktu atan ruat nghal a ni. Hamdallah hi Palestinian pawl pahnih, Fatah leh Hamas te thawhdunna tura inbiakna a hlawhchham avangin a bang a ni. Hamas lam chuan PM atana Shtayyed ruat a ni chu an dodal thung.

Palestinian sorkar thara cabinet member-te chu West Bank lama roreltu, Palestine Liberation Organization (PLO) faction lam, Fatah lam chauh an ni a, Hamas leh Islamic Jihad group-te dah tel an ni ve lo. Gaza Strip lam thununtu, Hamas pawl lam chu an lungawi lo hle thung a, pawl pahnihten inremna siam a, thuneihna insem zai chungchanga an hmalaknate kalpuina tur daltu tur a ni, an ti.