Aeroplane lian ber California-ah enchhin

Khawvela aeroplane lian ber chu kar kalta Inrinni khan US-a California-ah thlawhtir chhin a ni.

Mega jet, Roc thlawhtheihna hi a thla pahnih inkar thui zawng hi American football field chen zet a ni a, engine paruk a hmang a ni. Stratolaunch Systems Corps siam niin Inrinni khan Mojave Desert chungah darkar hnih chuang thlawhtir a ni. Darkar khatah km 304-a chaka thlawkin, meter 5,182 china sang thlengin a thlawk a, Mojave Air and Space Port-ah him takin a ṭum leh a ni. Aeroplane thlawhtir chhin hi mi tam takin an thlir a ni.