Egypt President term pawhsei chungchang ngaihtuah

Egypt Parliament chuan ram danpui siamṭhat rawt chungchang chu ngaihtuahin vote a la dawn. He dan siamṭhat rawtna hnuaiah hian Presi­dent Abdel Fattah el-Sisi term, kum li ni mek pawhsei rawtna pawh a tel a ni.

Parliament-in he rawtna hi a pawm a nih chuan, tun thla tawp lamah danpui siam­ṭhat tur chungchangah mi­pui ngaihdan lak a ni ang, tiin Parliament speaker Ali Abdelaal chuan a sawi.

Ram danpui siamṭhat rawtnaah hian President Sisi-a kum li term hman mek, kum 2022-a tawp tur chu kum ruk term-a pawhsei rawtna a tel. Hei bakah hian member 180 awmna tur parliament chamber pahnihna, Senate din rawt tel a ni a, president hnenah judge leh public prosecutor ruat tura thu­neihna pek belh rawt a ni bawk.

Parliament-ah hian Sisi thlawptu lam hi an tam zawk avangin he rawtna pawh hi a tlang ngei rin a ni.