Israel-ah sorkar thar siam thei la awm lo

Israel ram inthlanpui neih zawh takah party mala sorkar siam thei an awm lo a, mahse prime minister Benjamin Netanyahu leh Blue and White party hruaitu Benny Gantz-te chuan ṭangrual sorkar an siam thei dawn niin an sawi ve ve. 

Inthlanah hian Netanyahu party, Likud party leh a thawhpui, right-wing bloc chuan seat 58 an la a, mahse seat 120 awmna Parliament-a majority nei tura seat  ngai zat chu seat thumin an pha lo. Mahse sorkar thar an siam thei ngei dawn niin Netanyahu chuan a sawi. 

Likud party hi party mala seat la hnem ber niin, seat 36 a la a, Blue and White Party-in seat 33 a la bawk. Blue and White party leh Yisrael Beytenu chuan PM Netanyahu tel loin ṭangrual sorkar thar an siam dawn tih an sawi ve bawk.