Cathedral din tharna atana sum thawh Dollar mtd 845 a tling tawh

France rama cathedral hmingthang, Notre-Dame chu kangmeiin a tichhiat hnuah he cathedral din thar lehna tura sum thawh chu darkar 24 chhungin dollar maktaduai 845 a tling hman.

France President Em­ma­nuel Macron chuan kangmei chhuakin Paris-a Notre-Dame a kan chhiatte chu kum nga chhungin a hma ami aia mawi zawkin an din thar leh dawn tih a sawi.

Thawhṭanni zana Notre-Dame kang hian cathedral chhip zum leh a chungte a kangchhia a, mahse bell tower erawh kang chhe tel loin a la ding a, a chhunga thil hlu tak takte pawh hum hman an ni bawk.

France sorkarin ca­the­dral hmingthang tak kangchhia hi din thar turin hma a la dawn tih a sawi hnuah, cathedral siamṭhatna tura sum thawh pawh a pung chak hle. Cathedral siam ṭhat­na tura sum thawh hi chhiat­na a thlen aṭanga darkar 24 chhungin dollar makta­duai 845 a tling hman a, heng zinga dollar maktaduai 500 chu France rama billionaire pathumte thawh a ni.

Paris public prosecu­tor Remy Heitz chuan kangmei chhuak hi hal luih nia a lan loh thu a sawi a, a kan chhan hi hriat ngei tumin theihtawp an chhuak mek zel tih a sawi.