Nepal-in a satellite hmasa ber kapchhuak

Nepal chuan Ningani khan a satellite siam hma­sa ber chu US aṭangin a kapchhuak.

Nepalese scientist-ten an siam, NepaliSat-1 satellite hi Nepal huna zinglam dar 2:31 khan US-a Virginia aṭangin kah­chhuah a nih thu Nepal Academy of Science and Technology (NAST) chuan a sawi. He satellite hi Ja­panese Kyushu Institute of Technology-a zirlai pahnih, Nepal scientist Aabhas Maskey leh Ha­riram Shrestha-ten an institute-a BIRDS project hnuaia an siam a ni.

Prime Minister KP Sharma Oli chuan satellite siamna leh kahchhuah a nih theihna kawnga thawktu hrang hrangte chu lawmpuina hlanin, an ram tana hriatreng tur a nih thu a sawi.

NepaliSat-1 hi low orbit satellite niin, Inter­national Space Station-ah thla khat a awm hnuin orbit-ah dah a ni ang.

Satellite-ah hian Nepal flag leh NAST logo dah a ni a, a siamtu scientist-te hming dah tel a ni bawk. A siamna atan hian Nepal Academy of Science and Technology chuan cheng maktaduai 20 a dah a ni. He satellite hi Nepal geographical information lakna atan hman a ni ang.