US-in Guantanamo Bay-a 'Camp 7' a khar

US chuan mi tang hlauhawm tak tak a dahna, Guantanamo Bay-a 'Camp 7' chu a khar a, he hmuna tangte chu compound chhung hmun dangah a sawn. US South Command chuan thuchhuah siamin, Camp 7-a awm mekte chu him tak leh buaina awm loin compound chhunga detention unit dangah sawn an ni tih a sawi.

Camp 7 hi Guantanamo-a tang dahna hmun an zep nasat ber zinga mi a ni ṭhin a, he hmunah hian pawikhawihna lian tham tak taka inhnamhnawihte dah niin, 9/11-a firfiakten World Trade Centre beihnaa inhnamhnawihte leh CIA mi tangte dahna atan hman a ni.

Venhimna pawh a khauh hle bawk. He hmun chungchang hi Pentagon pawhin a puangzar ṭha duh lo a, engtik huna sak nge a tih leh, a awmna hmun lai tak pawh a a sawilang ngai lo. Reporter-ten an tlawh phal a ni loh bakah, lawyer-te pawhin court aṭangin order an neih loh chuan an kal thei lo a ni.