Kuminah Mexico ramah tualthahna thleng hnem

Kumin chhungin Mexico ramah tharum thawhna leh pawikhawihna a thleng nasa tawh hle a, official record-a a lan danin January - March thla chhung khan mi kut tuara thi 8,493 zet an awm.

Public Security National System-a Executive Secretariat chuan record hi tichhuakin, nikum hemi hun lai aiin tualthahna thleng hi 9.6% in a tam zawk niin a sawi.

Kum 2018 kha Mexico ram chanchinah chuan ramchhunga tharum thawhna thlen nasat ber kum nia sawi a ni a, mi 33,500 chuang thah an ni.

Kum 2006-a ruihhlo tawlhru pawl lian tak takte laka indo puan aṭangin pawikhawihna hi a thleng hluar hle a, President Andres Manuel Lopex Obrador chuan pawikhawihna hluar avang hian a do let hna thawk turin National Guard pawh a lo din tawh a ni. Mahse National Guard din a ni hnuah hian mi 2,50,000 zet thah a ni tawh.