Saudi Arabia leh UAE-in Sudan ṭanpuina pe dawn

Saudi Arabia leh United Arab Emirates (UAE) chuan Sudan ram tan chhawm­­dawlna, US dollar tlukleh­ding­­awn thum hu pek an remti.

Sudan president aṭanga Omar al-Bashir paihthlak a nih hnuah sipaiten rorelna an chelh mek a, hetihlai hian civil sorkar din phutin mipuiten an nawr ve reng bawk. Sudan ram hian sum lamah harsatna a tawk mek a, sorkarin sum a neih loh avangin mipui mamawh lakluh kawngah pawh har­satna a tawk mek a ni.

Saudi leh UAE chuan Sudan ram ṭanpuina an pek tur aṭang hian Sudan central bank-ah dollar maktaduai 500 an deposit dawn a, a bak hi chu ei tur, damdawi leh petroleum product te an pe dawn thung a ni.

Sudan rama rorel mek, Military Council hotu Abdel Fattah al-Burhan leh a deputy, Mohamed Hamdan Dagalo te chu Saudi kaih­hruai-a Yemen hel laka beihpui thlaknaah an tel avangin Gulf ram pahnihte nen hian inzawmna ṭha tak an nei a ni.