Japan lal-in official ceremony hnuhnung hmang

Japan lal, April 30-a a lalna bansan tur Emperor Akihito chuan nimin khan Tokyo khaw daia a pa thlan a tlawh. Hei hi lal a nihna aṭanga a ban hmaa official ceremony a hman hnuhnung zinga mi tur a ni.

Kum 85 mi, Akihito leh Empress Michiko, 84, te chuan nimin khan emperor hlui Hirohito-a hriatrengna, Musashino Imperial Graveyard, Ha­chioji ami chu an tlawh.

April 30-a a lalna a bansan hmain Emperor Akihito hian official ceremony 11 hmanpui tur a la nei a ni. Akihito hi Japan ram chanchina kum zahnih chuang chhunga lal nihna bansan hmasa ber tur a ni.

May 1 hian a fapa upa ber, kum 59 mi Naruhito chu amah thlaktu atan lakluh a ni dawn a, October 22 hian Imperial Palace-a vantlang inkhawm buatsaihah offi­cial-in lallukhum hi khumtir a ni ang.