Brazil court-in president hlui Lula tan hun titlem

Brazil-a court sang ber dawttu, Superior Court of Justice chuan an ram president hlui, Luiz Inacio Lula da Silva tan hun tur a tihnep sak.

President hlui Lula hi eiruk leh thama laa puhna thubuaiah thiam loh chantir niin, kum 12 leh thla khat tang tura hrem a ni. Mahse Thawhlehni khan court chuan a tan hun tur hi kum riat leh thla 10-ah a tihtlem sak a ni.

Lula hi kum khat dawn kalta khan man a ni tawh a, September thla hian chhun lamah jail aṭanga chhuah phalsak turin a dil thei tawh dawn a, mahse zan lamah tan-inah hun a hman a la ngai dawn tho a ni.

Kum 2003-2010 chhunga Brazil president a nih lai khan Lula hian an rama miretheite khaichhuahna turin social programme te siamin, mi tam tak dinhmun a siamṭhat sak a, an ram economy thlengin hma a sawnpui a ni. Hmingṭha takin a office a chhuahsan a, mahse amah thlaktu atana a thlan, Dilma Rousseff-i chu president aṭanga ban a nih bakah Lula leh a party, Workers Party te hi eirukna lam thilah an hmingchhe chho ta a ni.