Nagaland Dy CM constituency-ah inthlang ṭha BJP in Dy. CM in thil tisual lo tih sawi

Nagaland Pradesh Congress Committee (NPCC) in state deputy chief minister Y Patton, model code of conduct (MCC) bawh­chhiaa an puhna kal zelah Riphyim Old-III polling station-ah nimin khan inthlan ṭhatna neih a ni.

CEO media cell, DC leh DEO Wokha-te chuan venhimna khauh tak hnuaiah inthlan ṭhatna hi neih a nih thu sawiin inthlanna dik leh zalen tak buatsaih a ni tih an sawi.

NPCC hian deputy CM Patton hi polling booth-ah voter slip pasarih pariat vel nen lutin vote a thlak tih an sawi a, hei hi camera pawhin a lo la fuh tih an sawi. Hemi bakah hian party scarf a awrh niin an sawi bawk.

Bharatiya Janata Party (BJP) Nagaland unit chuan Nilaini khan hemi chungchangah hian thu­chhuah siamin party scarf chu a awrh ngei tih an sawi a, party scarf a awrh chuan buaina a thlen a nih chuan party chuan ngaihdam an dil tih an sawi.

Hetihlai hian Deputy Chief Minister in vote pakhat aia tam a thlak chungchang erawh finfiahna a awm lo tih sawiin video in a lo la fuh tih pawh chu thudik a ni em tiin zawhna an zawt.

Inthlanni-a thuthang dik lo tak tak awm chu an dem tih sawiin, video chungchang chu Dy CM tihhmingchhiat tumna mai nia an ngaih thu an sawi a ni. Nagaland hian Lok Sabha seat khat neiin, April 11 khan Lok Sabha inthlanna hi state pumah an nei a ni.