Iraq-ah IS firfiak pasarih that

Iraq sipaite chuan thuchhuah siamin nimin khan Salahudin pro­vince tlanga Islamic State (IS) firfiakte bih­rukna hmunah airdrop ope­ration neiin IS pasarih an that tih an tarlang.

Intelligence hnen aṭanga an thudawn bawh­zuiin, Iraqi Counter-Terrorism Service (CTS)-te chuan Makhoul tlangah beihpui hi an thlak a ni. Helai hmunah hian lei verh pathum an hmuchhuak a, hengte hi firfiakte chuan bihrukna atan an hmang ṭhin tih Iraqi Joint Operations Command (JOC) nena inthlunzawm media-te chuan an sawi.

Leiverhah hian IS nen hian an inkap a, pasarih an kap hlum a ni. Thuchhuah an siamah hian an la inkah mek avangin thuchiang zawk hriat a la ni lo tih an tarlang tel bawk. Iraq-ah hian pawi­khawihna a thleng tlem sawt hle a, kum 2017-a rampuma IS firfiakte hnehna thu puan a nih aṭang phei kha chuan a tlem lehzual. Mahse a khat tawkin inkahna leh bomb puak bakah inbeihna hrang hrang a la thleng reng tho. Kuminah ringawt pawh sipai mai bakah tualchhung mi eng emaw zat firfiak kutah an thi tawh a ni.