Turkey President-in Greece ramri hawng turin nawr

Turkey president Recep Tayyip Erdogan chuan an rama hmar thlang lam katllanga Europe rama pem luh tum mi tam takin te chu ni 10 chhugin an tangkhang tawh avangin, Greece sorkar an ramri hawng turin a nawr.

President Erdogan chuan, "Heng mite hi Greece-a awm tum an ni lo. Greece ramri kal­tlangin Europe ram dang­ah luh an tum zawk a ni," tiin, Greece security force-ten Pazarkule border crossing-a Europe rama pemluh tumte an lo dang chu a sawisel. 

Turkey thuneitute chuan Greece police-te hian refugee pathum an kap hlum niin an sawi bawk. Syria raltlan maktaduai 3.7 chuang chu Turkey ramah hian an awm mek a, an ni bakah Syria-a Idlib provinve-a tualchhung indona thleng vangin chhim chhak lam ramri aṭangin raltlan lut an awm reng bawk. Erdogan chuan heng mite chungchang hi khawvel chuan a ngaihven tak tak lo tih a sawi.