China siam Covid-19 damdawi kum tawp lamah peih hman tum

China-a State-owned Assets Supervision and Administration Commission (SASAC) chuan kumin kum tawp lamah hi chuan Covid-19 damdawi market a zawrh theiha siam zawh hman an tum thu an tarlang.

Covid-19 damdawi hi enchhinna neih mek a ni a, Wuhan Institute of Biological Products leh Beijing Institute of Biological Products ṭang khawp chuan tunah hian mi 2,000 chuangah damdawi enchhinna hi an nei tawh a ni. Kumin kum tawp lamah a nih loh vek chuan nakkum kum tir lamah damdawi hi mipui hman theiha peih hman an tum.

Damdawi siam chhuah kawnga hmalatu ber Wuhan Institute of Biological Products leh Beijing Institute of Biological Products ṭang­khawp hian a thawh khatna an zo tawh a, a thawh hnihna atan enchhina hi an nei leh mek. He institution pahnih hian SASAC kaihhruaina hnuaiah hma an la a ni.