North Korea-in China 'security law' thlawp

North Korea chuan China-in Hong Kong-a a hman tur dan thar a duan, 'national security law' chu a thlawp tih sawiin, dan ang thlapa state security thawm ṭhatna a nih thu a tarlang. 

China-in Hong Kong-a 'security law 'thar a hman turah hian ram dangte'n inrawlh theihna dan an nei loa a, ram chhung thil a nih angin ram dangte inrawlh a rem lo a ni, tiin North Korea state news agency Korean Central News Agency (KCNA) chuan  a tarlang a ni .

Kar liam ta khan US president Donald Trump chuan US-in Hong Kong hnena special trade status a pek chu tihtawp a nih thu a sawi a, China hmalakna hi a thlawp lo bawk a ni. US bakah hian ramdang eng emaw zatin China dan thar hi an thlawp dawn lo tih an sawi tawh bawk.

Dan thar tur hi Hong Kong mipuite chuan an duh lo hle a, an dikna chanvo rahbehsak dawna an hriat avangin nawrh pawh an lo hawihawt tawh a ni. China thlawp Hong Kong Chief Executive, Carrie Lam chuan inlakhran duhtu leh dan bawhchhetute bitum tur a ni tih a sawi thung.