Israel-in a sipai ruang thleng nan activist leh drug dealer chhuah dawn
Israel chuan a sipai ruang thleng nan an ram jail-a tang mek, Fatah activist leh drug dealer a chhuah dawn.
Ynet news-in a tarlan danin, Israel-in tang a chhuah turte hi kum 35 mi Palestinian Ahmad Hamis leh kum 57 mi Zidan Tawil te an ni a, an pahnih hian Syrian citizen an ni.
Hamis hi Fatah activist niin, kum 2005 khan Israel-in a luah, Golan Heights-ah Syria aṭanga Israel ram china dan loa a lut chu man a ni. Hamis hian Golan Heights-a Israel sipaite hmunpuiah luh a, Israel sipai rukbo a tum nia sawi a ni. Hei hi kum 1988-a Fatah co-founder Khalil Ibrahim al-Wazir thah a nih avanga phuba lak a tumna a ni. Kum 14 chhung tantir ni tawhin, kum 2023-a chhuah tura tih a ni.
Tawil hi kum 2008 July thla aṭang khan ruihhlo tawlhruk vangin jail-ah tantir a ni tawh bawk a, kumin July thla hian chhuah tura tih a ni.
Israel official chuan Syrian mi pahnihte hi jail aṭangin chhuah an ni dawn tih a sawi a, mahse Israel sipai ruang thlengna atana chhuah an ni dawn tih erawh a pha thung. Chhuah an nih ni tur tak erawh a sawilang lo.