International arms treaty aṭangin US inhnukdawk dawn

US President Do­nald Trump chuan ral­thuam hralhna kawnga khuahkhirhna siamtu tur, International Arms Trade Treaty aṭangin US a inhnukdawk dawn tih a sawi a, hemi chungchang hriattirna hi United Na­tions hnenah thawn a ni thuai ang, a ti.

Arms Trade Treaty hian ram hrang hrangte hnena small arms, battle tank, combat aircraft leh warship lei tir an nih dan chungchangah khuahkhirhna leh dante a siam a ni. Kum 2013-a UN agreement siam kha khatihlaia US President Barack Obama chuan a pawm a ni. Mahse US-a National Rifle Association chuan he treaty hi an rama ralthuam neih phalna dan, second amendment right to bear arms tan a him tawk lo niin an ngai a ni.

Inrinni-a Indiana­polis-a NRA meeting a hmanpuinaah Trump chuan a rorelna hnuaiah America-in a rama thuneihna a neih chu tu hnenah mah hlan a ni dawn lo tih a sawi a, ramdang miten Second Amendment freedom an neih chu an tihchhiat an remti ngai lo ang tih a sawi a ni. He treaty an pawm loh thu leh, US a inhnuhdawh thu hi UN hnenah hriattir thuai a ni dawn niin a sawi.