PA-in Israel pawisa pe kir leh
Palestinian Authority (PA) chuan Israel-in Fatah movement tana a ruka pawisa a pek, shekel maktaduai tel chu a pe kir leh nia sawi a ni.
Hemi chungchang hi Israel-a Channel 7 chuan sawichhuakin, "Israel sorkar chuan PA-in sum lama harsatna a tawh mek chhawk zangkhaina tur leh, Palestinian hruaitu tlachhe mai tur venna atan a rukin shekel tam tham tak a pe a ni", a ti. Mahse PA chuan heng sumte hi lo dawng duh loin a pe kir leh a ni, a ti bawk.
PA-in sum a pek kir chungchang hi Pathianni zana Israel Prime Minister Benjamin Netanyahu leh a finance minister Moshe Kahlon-ten meeting an neihnaah pawh an sawidun niin a tarlang.
Israel-in PA hnena thla tina sum a transfer ṭhin chu shekel maktaduai 41.8 a tihtlem a tum hnuah thla hnih chhung chu PA hian Israel sum pek hi a dawng duh tawh lo a ni. Palestinian hruaitute chuan an sum dawn tur hi shekel khat leka a kim loh pawhin an dawng dawn lo tih an sawi a ni.