US-in China a vau

United States chuan Phi­lippines thlavang hauhin China a vau.

US State Department thu­puangtu Ned Price chuan, "Phili­ppines armed force, lawng emaw thlawhtheihna emaw beihna chu, Pacific leh South China Sea-ah pawh nise, US-Philippines Mutual Defense Treaty hnuaia kan thu tiamte angin kan bei let ang," tiin Nilaini khan a sawi.

Ned Price-in hetiang thil a sawi chhan hi March 7-a China lawng 200 vel lai Whitsun Reef bula hmuh an nih vang a ni.

Philippines exclusive economic zone (EEZ) leh Palawan Island aṭanga km 320 leka hlaa awm Whitsun Reef chheh velah hian March thla hnu lamah hian China lawng hmuh tur an awm nual a, Phillipines lam hian Beijing hnenah hian EEZ bula awm an lawngte chu lachhuak turin an ngen tawh nghe nghe a, mahse China lam chuan sangha manna lawng bak a ni lo tih sawiin an lachhuak duh lo a ni.