US-in Pakistan-in F-16 a hman chungchang chhui dawn

US chuan India beihna atana Pakistan-in America siam, F-16 fighter jet a hmang nia sawi chu a chhuichiang dawn.

State Deparment chuan F-16 fighter jet hi firfiakte beihna atan chauh Pakistan hnenah hian pek a ni tih a sawi a, hei vang hian inremna an siam palzuta India beihna atana a hmang nia sawi chungchang chu hriatchian an tum tih a sawi.

Indian Air Force-te chuan kar kalta Ningani khan Kashmir-a India sipai hmun bei tura Pakistan-in a tirh, F-16 fighter jet hi an kahthlak sak nia sawiin, thlawhtheihna tla themte pawh an pholang a ni. Mahse Pakistan chuan F-16 fighter jet hi an hmang lo tih sawiin, India-in an thlawhtheihna a kahthlak sak nia a sawi pawh thu dik lo niin a sawi.

Defence Department thupuangtu, Lt Col Kone Faulkner chuan Foreign Military Sales contract-ah hian inremna an siamte puanzar loh tura tih a nih vangin, Pakistan nena F-16 fighter jet chungchanga user-agreement an siam dan tak pawh sawichhuah theih a ni lo tih a sawi. Hetihlai hian Pentagon Defence Security and Coopertion Agency (DCSA) chuan F-16 jet te chu Pakistan-in hel leh firfiakte a beihna kawnga a hman tura tih a nih thu a sawi. F-16 hman dan chungchangah US hian khuahkhirhna hi eng emaw zat a siam a ni.