Afghanistan-ah tuilian vangin mi 20 thi

Afghanistan chhim lam, Kandahar province-a district parukah kar kalta Inrinni khan tuilian bawhawk avangin mi 20 vel an thi a, an zingah hian naupang eng emaw zat an tel.

United Nations Office for Coordination of Humanitarian Affairs (OCHA) chuan mitthite hi tuilianin an in a lenchhiat te leh, motor-a an tlan laiin a lakte an ni tih a sawi. Chin hriat lohin mi 10 vel an awm mek niin a sawi bawk. Tuilian hian chenna in 2,000 vel a tichhe tel bawk a ni.

Kandahar deputy governor Abdul Hanan Moneeb chuan tuilian an tawrh chu kum sarih chhunga a nasat ber ṭum a nih thu sawiin, ranvulh lai tam tak a len tel tih a sawi. Afghan sipaite chuan tuilian tuar chhungkaw 400 vel an chhanchhuak tawh tih a sawi bawk.