US-SKorea joint military exercise tinep dawn

US leh South Korea chuan ram pahnih sipaite nunchan zir, joint military exercise liantham an neih ṭhin chu nep zawkin an kalpui tawh dawn. Hei hi North Korea nena an inkar boruak siamṭhatna tura an hmalakna pakhat a ni.

SKorea defence secretary Jeong Kyeong-doo leh acting United States Secretary of Defense Patrick Shanahan chuan ram pahnih sipaiten war game an neih ṭhin, Key Resolve leh Foal Eagle an neih ṭhin chu chhunzawm tawh loh an remti .

US President Donald Trump chuan joint drill neih ṭhin hi a hautak thu a lo sawi fo tawh a, ram pahnihten joint military exercise an neih hi Nkorea chuan a ngaihawm hle a, an ram beihna tura inbuatsaihna angah ngaiin a sawisel fo a ni.

Joint exercise hautak lo zawk tur, 'Dong Maeng' hi vawiin aṭangin neih a ni dawn a, March 12 thleng a awh dawn a ni.