US-in Jerusalem-a consulate khar, embassy-ah chhunfin

United States chuan Jerusalem-a a consulate chu nimin khan a khar a, embassy-ah a chhunfin.

Jerusalem-a US consulate hi kum tam tak chhung Palestinian te chungchang bik ngaihtuah tura dah a ni a, mahse embassy-ah chhunluh a nih tak avangin Palestinian chungchang hi embassy hnuaia Palestinian affairs unit-in a ngaihtuah tawh dawn a ni.

US chuan nikum kha Israel khawpuiah Jerusalem a pawm thu a puang a, US embassy pawh Tel Aviv aṭangin Jerusalem-ah hian a sawn tawh bawk a ni. Hemi hnu hian Palestinian-te chhawmdawlna a pek ṭhinte pawh titawpin, hospital leh peace-building progamme chungchanga a puihna pawh a titawp. Hei bakah hian Palestinian refugee te chhawmdawl hna thawktu, UN agency hnenah fund a pek ṭhin pawh a titawp tawh bawk.

Nikum October thla khan US Secretary of State Mike Pompeo chuan consulate hi tihtawp a, embassy-a chhun luh a nih tur thu a lo sawi tawh a ni.

US thiltih dan hi Palestinian official-te chuan na takin an sawisel nghal a, he hi an US-in Jerusalem, West Bank leh Gaza Strip chungchanga a policy a thlak danglam loh zia a tilang a ni, an ti.