Turkey-in kum 20 hnuai lam tan curfew a puang

Turkey president Recep Tayyip Erdogan chuan an rama hri darh tur venna kawng khat atan, kum 20 hnuai lam tan bik curfew a puang. 

TV-a thu a sawiah, president Erdogan chuan curfew a puan hi Zirtawpni zan zanlai aṭanga hman ṭan a ni tih a sawi a, khawpui 31 ramrite pawh kharin, chakkhai phur motor chauh luh phalsak an ni tih a sawi. Ramri hi ni 15 chhung khar a ni dawn tih a sawi nghal bawk.

 

Istanbul Mayor Ekrem Imamoglu chuan sorkar hnenah mi maktaduai 16 dawn chenna, Istanbul khawpuiah chuan inkharkhipna dan khauh tak puang turin a  ngen. Turkey-ah hian Covid-19 kai hi 20,000 chuang awm tawhin mi 425-in an thihpui tawh a, Istanbul hi  hri darhna ber niin an ngai a ni.

Turkey-ah hian total lockdown puan a la ni lo a, Istanbul-ah pawh dawr tam zawk chu an la inhawng reng a ni.