Brazil President-in chaw nghei ṭawngṭai turin ngen

Brazil president Jair Bolsonaro chuan evangelical Kristiante ngenna angin, vawiin Pathianni hian an ram pumah hri leng mek lak aṭanga Brazil ram a fihlim theihna turin chaw ngheia ṭawngṭai turin mipuite a ngen. 

Hri leng mek hi la thutak tawk loin, a dona kawngah hma a la ṭha lo nia sawiin president Bolsonaro hian mipuite sawisel a tawk fo. State hotuten hri leng darh tur venna atana social distancing an kalpui pawh a sawisel a, shutdown kalpui chu an ram economy tihchhiatna tur a ni tiin a sawi. 

Zirtawpni khan a chenna in kawtah pentecostal evangelical pastor-te nen inkawmin, Pathiannia chaw ngheia ṭawngtai neih hi an rel tih Bolsonaro chuan a sawi. Brazil rama Pentecostal church lian ber, Assembly of God hruaitu pastor Silas Malfaia chuan Inrinni zan zanlai aṭangin Pathianni chhun thleng chaw ngheia ṭawngṭai hi an nei dawn tih a sawi a ni. 

Army captain hlui, Bolsonaro hi Roman Catholic a ni ṭhin a, mahse kum 2016 khan Israel-a Jordan Lui-ah evangelical pastor hnuaiah baptisma a chang ṭha leh a ni.