Trump-a'n mask hmang turin chah: Aman hman a tum lo tih a sawi thung

US president Donald Trump chuan Centers for Disease Control and Prevention (CDC) thurawn angin, an ram mipuite chu pawn an chhuahin hmaituamna (mask) hmang turin a chah a, hemi rual hian amah chuan  hman a tum lo tih a sawi nghal. 

President Trump chuan mipuite chu hand-made mask emaw, scarve emaw hmang turin a ti a, medical-grade mask chu damdawi lam thawktute hman tura dah turin a ti. 

"Hei hi mahni duhthlanna a ni. Hmang turin kan nawr lui kher lo cheu a, kei pawhin hman ka tum lo. Mahse mi ṭhenkhatin mask hi hman an duh a, chu pawh chu a ṭha vek a ni," tiin a sawi.