China laka action la turin ICJ-in UNHRC nawr

International Council of Justice (ICJ) chuan United Nations Human Rights Council (UNHRC) chu khawvela coronavirus darh mek leh mi tam takin an thihpui chungchangah, he hri hmuhna leh a darh chhuahna China chungah action la turin a nawr. 

London-based ICJ president leh All India Bar Association chairman, Adish C Aggarwala chuan hri lengin khawvel ram hrang hrang, a bikin India rama chhiatna a thlen chungchangah China hi a man chawi tir ngei tura phutin UN chu inrawlh turin a ngen a ni.

Hri darh tur venna kawnga China sorkarin hma a lak ṭhat tawk loh avangin khawvel economy-in a tuar a, sum tam tham tak hlohin mi maktaduai telin an hna an chan phah bawk a ni, tiin UNSC-a complaint a thehluhah a tarlang. 

Covid-19 leng chungchanga China sorkar hma lak dan chu UN-in Charters and Guidelines a tihchhuah tam tak a palzut a ni tiin, "China chuan mi maktadual telte nunna derthawng takin a siam a, khawvel puma sumdawnnate a tibuai a ni. Hri darh chungchanga information a pekte langtlang taka kalpui a ni lo a, thu dik tawk lo a tihchhuah ṭhin avangin human rights pawh a palzut bawk," Aggarwal chuan a ti.