Damdawi-in kawtah medical staff leh damlote tan ṭawngtai

United States (US)-a Kristiante chu hospital hrang hrang kawtah kal khawmin, medical staff leh an dam lo enkawlte tan an ṭawngṭai. 

Albany, Georgia, Kissimmee, Florida, Alexander City, Alabama leh khawpui dang eng emaw zatah hospital kawtah kalin, damdawi-ina thawktute leh damlote tana ṭawngtaina hun hi an hmang a ni. 

Ṭawngtai hun buatsaihtu zinga mi, Jaime Gaudet chuan hri leng avangin hun  harsa tak an ramin a tawk mek tih sawiin, "Damlote mai ni lo, a enkawltute pawh an chauin an chhungte pawh an ngai tawh hle ang tih kan ring a ni," tiin, an tana an tih theih tawk chu ṭawngtai sak a ni tih a sawi. 

"Hun khirh leh harsa tak kan tawh mekah, hlauhna leh thlaphannate'n min tibuai thei a ni. Mahse heng hunah tak hian ṭawngṭaina a pawimawh a, kan ṭawngṭaia kan dil chuan beiseina in a rawn thlak zawk ṭhin a ni," a ti.