Russia-in US nena INF siam titawp

Russia President Vladimir Putin chuan United States nena nuclear ralthuam khuahkhirhna tura inremna an siam, 1987 Intermediate-Range Nuclear Forces Treaty (INF) chu official-in a titawp.

Thuchhuah siamin, Russia Parliament chuan US-in inremna an siam a palzut ṭhin chu a tihtawp hma loh chuan INF Treaty hi a kalpui tawh dawn lo tih a sawi.

February thla khan US chuan INF aṭanga inhnuhdawh a tum thu hi a lo sawi tawh a, Russia chu inremna an siam palzutah a puh ve bawk a ni. US chuan Russia chu inremna an siamin a khap, cruise missile siamah a puh a, hei bakah hian km 500-5,500 range land-based cruise leh ballistic missile enchhinah a puh bawk.

Russia chuan inremna palzuta puhna hi a pha thung a, US zawk chu dan bawhchhiaah puhin, Eastern Europe-a missile defence facility dahah a puh let. Mahse an puhna hi US chuan thu dik lo niin a sawi.